Mae'r gyfrol hon yn egluro bod y faner yn fwy na dim ond llun a lliwiau ar bolyn. Gan fod y defnydd o'r ddraig yn ymestyn yn ôl i fyd chwedloniaeth a hen arwyr Cymru, mae'n ddelwedd o amddiffyn penderfynol, ac o dân, egni a brwdfrydedd i oroesi a llwyddo. Mae hefyd yn apelio at y dychymyg creadigol, yn cynnig ei hun ar gyfer hwyl a hiwmor ac yn gynnes ei chroeso i ymwelwyr a chwsmeriaid.
