Greddf sydd wrth wraidd y gyfrol synhwyrol hon. Dyma gasgliad o gerddi sydd wedi cael eu hysbrydoli gan y chwarter eiliad pan fo rhywbeth yn cydio ac yn ysbrydoli cerdd. Ceir yma gerddi am atgofion, byd natur ac am berthyn. Maent yn cwmpasu bywyd y bardd, Jo Heyde, o'i phlentyndod cynnar hyd at heddiw, ac mae'r holl liwiau, gweadau a'r blasau yn goferu gyda cherddoriaeth y gynghanedd a'r Gymraeg.
